امریکی قونصل خانہ پشاور نے عارضی طور پر آپریشن معطل کر دیا

پاکستان میں امریکی سفارتخانے کی جانب سے جاری اعلامیے میں کہا گیا ہے کہ اسلام آباد میں قائم سفارتخانہ تمام معمول اور ہنگامی قونصلر خدمات فراہم کرتا رہے گا۔

اعلامیے کے مطابق پشاور میں امریکی قونصل خانہ نے 2 مارچ سے عارضی طور پر اپنی سرگرمیاں معطل کر دی ہیں۔ جبکہ کراچی اور لاہور میں ٹریفک کی رکاوٹوں کے باعث 3 مارچ کو ویزا اور قونصلر ملاقاتوں کا شیڈول منسوخ کر دیا گیا ہے۔

اسلام آباد میں امریکی سفارتخانہ 3 مارچ سے معمول کی قونصلر خدمات دوبارہ شروع کرے گا۔

امریکی حکام نے اپنے اہلکاروں کی ملک بھر میں نقل و حرکت محدود رکھنے کا فیصلہ بھی کیا ہے۔

پاکستان میں مقیم امریکی شہریوں کو ہدایت کی گئی ہے کہ وہ مقامی خبروں پر نظر رکھیں اور احتیاطی تدابیر اختیار کریں۔