سوئٹزرلینڈ کے وزیر دفاع نے کہا ہے کہ امریکا اور اسرائیل کی جانب سے ایران پر کیے گئے حملے بین الاقوامی قانون کی خلاف ورزی ہیں۔
انہوں نے بتایا کہ سوئس وفاقی کونسل کے مطابق ایران پر حملہ عالمی قوانین کے منافی ہے اور یہ طاقت کے استعمال پر عائد پابندی کی بھی خلاف ورزی ہے۔
سوئس وزیر دفاع نے تمام فریقوں سے مطالبہ کیا کہ عام شہریوں کے تحفظ کو یقینی بنانے کے لیے فوری طور پر لڑائی بند کی جائے۔ ان کا کہنا تھا کہ امریکا اور اسرائیل نے ایران پر فضائی حملے کیے ہیں جو بین الاقوامی قانون کی خلاف ورزی کے زمرے میں آتے ہیں۔
واضح رہے کہ جرمنی اور اسپین بھی ایران پر امریکا اور اسرائیل کے حملوں کی مخالفت کر چکے ہیں۔
