اقوام متحدہ کی معاون سیکرٹری جنرل برائے انسانی امور جوائس مسویانے "دنیا میں سب سے زیادہ پناہ گزینوں کی تعداد والے ملک” ترکی کا شکریہ ادا کیا ہے۔
اقوام متحدہ کے ڈپٹی سیکرٹری جنرل کے ترجمان فرحان حق نے اقوام متحدہ کے ہیڈ کوارٹر میں منعقدہ پریس کانفرنس میں بتایا کہ جوائس مسویا نے ترکی کا اپنا 5 روزہ دورہ مکمل کیا، جس میں غازیانتپ اور ہاتائے بھی شامل تھے، انہوں نے عطیہ دہندگان اور ترک حکومت کے اہلکاروں سے ملاقات کی جو سرحد پار امدادی سرگرمیوں میں مصروف ہیں۔
"متسویا نے انسانی ہمدردی کی کوششوں کی حمایت کرنے پر ترک حکومت کی تعریف کی اور 3.7 ملین پناہ گزینوں کی میزبانی کرنے پر دنیا کے سب سے بڑے مہاجرین کی میزبانی کرنے والے ملک ترکی کا شکریہ ادا کیا۔”
"شمال مغربی شام میں 4.1 ملین لوگ اپنی بنیادی ضروریات کو پورا کرنے کے لیے اقوام متحدہ کی امداد پر انحصار کرتے ہیں۔” نائب ترجمان نے بتایا کہ ترکی کے راستے شام میں ہر ماہ 2.4 ملین افراد کو خوراک اور دیگر امدادی سامان پہنچایا جاتا ہے۔
فرحان حق نے نشاندہی کی کہ اگر سلامتی کونسل نے مزید توسیع نہ دی تو شام کو سرحد پار امداد 6 ماہ میں موسم سرما کے وسط میں ختم ہو جائے گی۔