نئی دہلی (انٹرنیشنل ڈیسک ) بھارتی شہر حیدرآباد اور اس کے مضافات میں 2 خواتین کو انتہائی بے دردی سے قتل کردیا گیا۔ خبررساں اداروں کے مطابق آر ایم پی ڈاکٹر کی بیوی سندھیارانی کا جوہلی ہلز پولیس اسٹیشن کے حدود میں قتل کیا گیا۔ واردات اْس وقت کی گئی جب خاتون کا شوہر کلینک گیا ہوا تھا اور وہ گھر میں اکیلی تھی۔ دوسری واردات میاں پور پولیس اسٹیشن کے حدود میں پیش آئی جہاں نا معلوم حملہ آور نے گھر میں داخل ہوکر خاتون کو قتل کیا اور فرار ہوگیا۔ مقتولہ کا اپنے شوہر کے ساتھ طلاق کا مقدمہ عدالت میں زیر سماعت تھا اور وہ اپنی ماں کے گھر میں مقیم تھی۔