English Al Qamar Urdu جون 25, 2026
Print Edition Markets Dollar to PKR

Al Qamar Online

The Largest and 1st Online Urdu News Network

تازہ ترین
خان سر کوچنگ فائرنگ کیس میں ملزم روشن آنند کی ضمانت منظورامریکی حملے میں ہلاک ہندوستانی ملاح شیوانند کی لاش 8 دن بعد گاؤں پہنچی، پوسٹ مارٹم کے بعد آخری رسومات آج ہوں گی اداٹیلی گرام پر پابندی: ٹیلی گرام پر عارضی پابندی برقرار ہائی کورٹ کا حکمکولکاتا ایئرپورٹ پر انڈیگو طیارے پر آسمانی بجلی گر گئی، 140 سے زائد مسافر محفوظنیٹ-یو جی 2026 ری-ایگزام سے قبل این ٹی اے کی آج ملک بھر میں ’ماک ڈرل‘، 2.50 لاکھ سے زائد سیکورٹی اہلکار تعیناتممبئی میں مانسون کی زوردار انداز میں انٹری، آئی ایم ڈی نے جاری کیا یلو الرٹ

میری اور میرے اہل خانہ کی جان کو خطرہ ہے، کچھ ہوا تو ذمہ دار سردار ہونگے: امِ رباب چانڈیو

اگست 31, 2021

الد، چاچا اور دادا کے خون کے انصاف کیلئے قانونی جنگ لڑنے والی ام رباب کا کہنا ہے کہ نام نہاد سرداران کی جانب سے ان کی زندگی کو خطرہ لاحق ہے۔

اپنے سوشل میڈیا اکاؤنٹ سے ٹویٹ کرتے ہوئے ام رباب نے لکھا کہ میری آواز بنیں اس سے پہلے کہ میں بھی ماری جاؤں۔ اس سے قبل پریس کانفرنس میں بلاول بھٹو سے مخاطب ہو کر کہا تھا کہ ” مسٹربلاول میری زندگی کو خطرہ ہے، کچھ ہوا تو ذمہ دار سردار ہونگے. آپ کے سردارمیری جان کے دشمن ہیں۔”

اس سے 3 دن قبل پریس کانفرنس کرتے ہوئے ام رباب چانڈیو نے بتایا تھا کہ ہمارے کیس کی سماعت دادو کی کرمنل ٹرائل کورٹ ہوئی، عدالت سے واپسی پر نامزد ملزمان نے ہمیں ہراساں کیا۔

ام رباب نے الزام عائد کیا کہ مقدمےمیں نامزد ملزمان نے مجھےقتل کرنے کی کوشش کی، سماعت کے بعد ملزمان نے گاڑیوں میں ہمارا پیچھا کیا اور گاڑیوں کے زریعے راستہ تنگ کرکے ہمیں روڈ سے اتارنے کی کوشش کی، مگر الله کا لاکھ لاکھ شکر ہے ہم محفوظ رہے۔

پریس کانفرنس کرتے ہوئے ام رباب نے کہا تھا کہ اعلیٰ حکام کو بتانا چاہتی ہوں کہ میری زندگی کو خطرہ ہے، مجھے اور فیملی کو کچھ ہوا تو ذمہ دار قتل میں نامزد سردار ہونگے۔

تاہم آج سوشل میڈیا پر سرگرم ام رباب نے ایک بار پھر لکھا کہ ان کی اور ان کے خاندان کی جان خطرے میں ہے۔ انہوں نے لکھا کہ “اگر سردار مجھ پہ قاتلانہ حملہ کرکے یہ سمجھ رہے ہیں کہ سندھ کی بیٹی ام رباب ڈر جائیگی تو یہ ان کا وہم ہے! ہاتھ جن میں ہو جنون کٹتے نہیں تلوار سے سر جو اٹھ جاتے ہیں وہ جھکتے نہیں للکار سے اور بھڑکے گا جو شعلہ سا ہمارے دل میں ہے سرفروشی کی تمنا اب ہمارے دل میں ہے”

یاد رہے کہ سندھ کے ضلع دادو کی تحصیل مہیٹر میں تین سال قبل مسلح افراد نے فائرنگ کر کے ایک ہی خاندان کے تین افراد کو موت کے گھاٹ اتار دیا تھا۔

مقتول کی بیٹی امِ رباب کی سندھ ہائی کورٹ کے باہر ننگےاحتجاجاً ننگے پیر آنے کی ویڈیو وائرل ہوئی تھی جس کے بعد اس کیس کو ہائی پروفائل قرار دیا گیا۔ ام رباب کا دعویٰ ہے کہ اُن کے والد، دادا اور چچا کو پاکستان پیپلزپارٹی سے تعلق رکھنے والے اراکین صوبائی اسمبلی نے قتل کروایا۔

ام رباب کی زندگی بچانے کے لیے سوشل میڈیا پر صارفین نے ان کے لیے آواز بلند کرنے کا فیصلہ کیا اور چند ہی لمحوں میں ان کے حق میں بہت ساری ٹویٹس کر دی گئیں۔  ام رباب سے اظہار یکجہتی کے لیے ٹوئٹر پر #SaveUmeRubab کا ٹرینڈ چلایا جارہا ہے۔

 

 

گذشتہ دنوں والد، چاچا اور دادا کے خون کے انصاف کیلئے قانونی جنگ لڑنے والی ام رباب قومی اسمبلی کی قائمہ کمیٹی انسانی حقوق کے اجلاس میں پھٹ پڑیں تھیں، ام رباب نے کمیٹی کو بتایا کہ تہرے قتل کیس میں نامزد ایم پی اے کی گرفتاری کے لیے پولیس نے چھاپہ مارا تو نثار کھوڑو حامی بن کر سامنے آگئے، ایس ایس پی کہتے ہیں کہ سندھ حکومت کا دباؤ ہے۔

ام رباب نے کمیٹی کے شرکا سے سوال کیا کہ اس کیس میں مداخلت کیوں کی جارہی ہے؟سیاسی جماعتیں اس معاملے پرسیاست نہ کریں، بلاول بھٹو قائمہ کمیٹی کےچئیرمین ہیں،امید ہےکہ وہ نوٹس لیں گے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے