لاہور: سربراہ مسلم لیگ ق چوہدری شجاعت حسین کا کہنا ہے کہ ڈی جی آئی ایس آئی اور ڈی جی آئی ایس پی آر کی پریس کانفرنس کو غلط رنگ دیا جا رہا ہے۔
چوہدری شجاعت کا کہنا تھا کہ ڈی جی آئی ایس آئی اور ڈی جی آئی ایس پی آر کی پریس کانفرنس میں بعض انکشافات ہوئے جس کی کوئی نفی نہیں کرسکتا، ہمیں اپنی فوج اور انٹیلیجنس اداروں پر مکمل یقین ہے، اداروں پر فخر ہے اور ہم اداروں کی کارکردگی سے مطمئن ہیں۔
چوہدری شجاعت حسین کا کہنا تھا کہ لفظ غدار کو اپنی منشا کے مطابق استعمال کرنے والوں کو غداری کی تشریح بتانی چاہیے۔