اسلام آباد: وفاقی کابینہ نے ای او بی آئی کے پنشنرز کے لیے بھی کم سے کم پنشن میں اضافہ کردیا۔
خبر رساں اداروں کے مطابق نئے مالی سال کے بجٹ میں ای او بی آئی کے پنشنرز کے لیے کم سے کم پنشن 8 ہزار 500 روپے سے بڑھا کر 10 ہزار کرنے کی تجویز دی گئی تھی، جسے وفاقی کابینہ نے منظور کرلیا۔
واضح رہے کہ بجٹ میں سرکاری ملازمین کی تنخواہوں میں بھی 35 فی صد تک ایڈہاک اضافے کے علاوہ پنشن میں ساڑھے 17 فی صد اضافے کی منظوری دی گئی ہے۔