اسلام آباد: وفاقی کابینہ نے نئے مالی سال کا بجٹ منظور کرلیا، جس میں نان فائلرز پر بینک سے مخصوص حد سے زیادہ رقم نکانے پر ٹیکس عائد کردیا گیا ہے۔
وفاقی وزیر خزانہ نے مالی سال 2023-24 کا وفاقی بجٹ کابینہ سے منظوری کے بعد قومی اسمبلی میں پیش کردیا، جس میں نان فائلر کے لیے 50 ہزار روپے سے زائد کی رقم نکالنے پر ٹیکس کی شرح بڑھا دی گئی ہے۔
بجٹ دستاویز کے مطابق بینک سے رقوم نکالنے پر ٹیکس عائد کرنے کا مقصد معیشت کو دستاویزی کرنے کا ایک اہم ذریعہ ہے۔ اس سلسلے میں مزید کہا گیا ہے کہ نان فائلرز کی جانب سے بینک سے 50 ہزار روپے سے زائد کی رقم نکالنے پر 0.6 فی صد کی شرح سے ٹیکس عائد کیا جارہا ہے۔