اسلام آباد: کرکٹ ورلڈ کپ 2023ء کے سلسلے میں پاکستانی شائقین کو بھارتی ویزے نہ ملنے کا معاملہ آئی سی سی میں اٹھانے کا فیصلہ کیا گیا ہے۔
خبر رساں اداروں کے مطابق نگراں وزیر خارجہ جلیل عباس جیلانی نے کہا ہے کہ کرکٹ ورلڈ کپ دیکھنے کے لیے بھارت جانے کے خواہش مند پاکستانی شائقین کو بھارتی ویزے جاری نہ ہونے کے معاملے پر انٹرنیشنل کرکٹ کونسل (آئی سی سی) سے بات کریں گے۔
پریس کانفرنس سے خطاب کرتے ہوئے نگراں وزیر خارجہ کا کہنا تھا کہ آئی سی سی کے ضوابط کو پیش نظر رکھتے ہوئے بھارت کا پاکستانی شائقین کو کرکٹ ورلڈ کپ دیکھنے کے لیے ویزے جاری کرنا لازم ہے۔ بھارت کو چاہیے کہ وہ پاکستانی شائقین کو ویزے جاری کرے۔