نیویارک (مانیٹرنگ ڈیسک) سیکرٹری جنرل اقوام متحدہ انتونیوگوتریس نے کہا ہے کہسلامتی کونسل ویٹو پاور کی وجہ سے مفلوج ہے‘ لبنان کو ایک اور غزہ بننے نہیں دیا جاسکتا اور اس کے لیے جنگ کو بہرصورت روکنا ہوگا۔ غیر ملکی میڈیا سے گفتگو میں سیکرٹری جنرل اقوام متحدہ نے کہا ہے کہ دنیا کو لبنان کو غزہ کی طرح کھنڈرات میں تبدیل ہونے سے روکنا ہے اور اس کے لیے لبنان، اسرائیل جنگ کو بہر صورت روکنا ہوگا۔ انہوں نے کہا کہ غزہ جنگ طویل ہوگئی ہے، بدترین تباہی کے ساتھ شہری تکلیف میں ہیں، جنہوں نے غزہ جنگ شروع کی وہی اس کے ذمہ دار ہیں‘ وہ غزہ کے لوگوں کی زیادہ مدد نہ کرنے پر افسردہ ہیں اور اس کی وجہ اسرائیل کی جانب سے لگائی گئی پابندیاں ہیں۔