بارشوں نے خیبر پختونخوا کے مختلف علاقوں میں تباہی مچادی ہے، مختلف حادثات میں 5 افراد جاں بحق جبکہ 8 زخمی ہوگئے ہیں۔
تفصیلات کے مطابق تیز آندھی اور طوفان کے نتیجے میں شانگلہ اور تورغر کے درمیان رابطہ پل ٹوٹ گیا جبکہ رابطہ منقطع ہوگیا ہے اور ٹریفک کی روانی معطل ہوگئی ہے۔
صوبائی ڈیزاسٹر مینجمنٹ اتھارٹی کا کہنا ہے کہ صوبے میں بارشوں کے باعث 3 مکانات کو نقصان پہنچا تاہم دوسری جانب پی ڈی ایم اے نے متعلقہ انتظامیہ کو فوری امدادی کاروائیوں کی ہدایت کردی ہے۔