پاکستان کے نجی شعبے کی غیر ملکی سرمایہ کاری کم ہو گئی مالی سال کے گیارہ ماہ کے دوران پہلے کے مقابلے
میں 33 فیصد کم سرمایہ کاری کی گئی اسٹاک مارکیٹ سے ساڑھے 28 کروڑ ڈالر نکل گئے۔
غیرملکی سرمایہ کاروں نے پاکستان میں صنعتی شعبے اور اسٹاک مارکیٹ میں ڈالر لگانے کم کر دئیے۔ اسٹیٹ
بینک کے مطابق مالی سال کے گیارہ ماہ کے دوران پاکستان میں نجی شعبے کی غیر ملکی سرمایہ کاری کا مجموعی
حجم 1 ارب 46 کروڑ 67 لاکھ ڈالر رہا۔ گزشتہ مالی سال اس عرصے میں 2 ارب 18 کروڑ 42 لاکھ ڈالر کی سرمایہ
کاری ہوئی تھی۔
روان سال جولائی سے مئی کے اختتام تک صنعتی شعبے میں براہ راست سرمایہ کاری کا حقیقی حجم 1 ارب 75
کروڑ 17 لاکھ ڈالر رہا۔ اس دوران اسٹاک مارکیٹ میں بیرونی سرمایہ کاری سے 28 کروڑ 50 لاکھ ڈالر نکالے
گئے۔
رپورٹ کے مطابق پاکستان کی طرف سے عالمی مارکیٹ میں بانڈز کی فروخت کے باعث رواں مالی سال حکومتی
بانڈز میں بیرونی سرمایہ کاری کا حجم 2 ارب 45 کروڑ 79 لاکھ ڈالر رہا۔ اس کا شامل کر کے مجموعی غیر ملکی
سرمایہ کاری کا حجم 3 ارب 92 کروڑ 46 لاکھ ڈالر ہے۔
رپورٹ کے مطابق اس سال بھی نجی شعبے میں سب سے زیادہ 72 کروڑ 79 لاکھ ڈالر کی سرمایہ کاری چینیوں نے
ہی کی تاہم چین کی سرمایہ کاری بھی گزشتہ سال سے 13.6 فیصد کم ہے۔