ورلڈ ٹیسٹ چیمپیئن شپ (ڈبلیو ٹی سی) کے فائنل کی تاریخی وینیو لارڈز سے میزبانی واپس لیے جانے کا امکان ظاہر کیا جا رہا ہے، جس پر کرکٹ حلقوں میں نئی بحث شروع ہو گئی ہے۔
میڈیا رپورٹ کے مطابق انگلینڈ اور نیوزی لینڈ کے درمیان حالیہ لارڈز ٹیسٹ کے دوران پچ کی کارکردگی پر آئی سی سی کی جانب سے غیر اطمینان بخش ریٹنگ دی گئی، جس کے بعد ورلڈ ٹیسٹ چیمپئن شپ فائنل کی میزبانی کے حوالے سے بھی سوالات اٹھ گئے ہیں۔
The 2027 World Test Championship final likely to be played at the Oval, due to concerns over the Lord’s pitch. Lord’s would still have two Tests in the summer, just not the WTC, which they had been pencilled in to host https://t.co/Q3mSBzSYLY
— Will Macpherson (@willis_macp) June 20, 2026
رپورٹس کے مطابق اگر صورتحال برقرار رہی تو ممکن ہے کہ 2025–2031 سائیکل کے تحت شیڈولڈ ڈبلیو ٹی سی فائنل کو لارڈز کے بجائے لندن کے دوسرے معروف اسٹیڈیم اوول منتقل کر دیا جائے۔ تاہم اس حوالے سے تاحال کوئی حتمی فیصلہ سامنے نہیں آیا۔
برطانوی میڈیا کا کہنا ہے کہ انٹرنیشنل کرکٹ کونسل (آئی سی سی) نے 2031 تک ورلڈ ٹیسٹ چیمپئن شپ فائنلز کی میزبانی انگلینڈ کو سونپ رکھی ہے، اس لیے کسی بھی ممکنہ تبدیلی کا فیصلہ انتظامی اور تکنیکی بنیادوں پر کیا جائے گا۔
یہ بھی پڑھیں:لارڈز اور قذافی اسٹیڈیم کی پچز غیر تسلی بخش قرار، ایک ایک ڈی میرٹ پوائنٹ دے دیا گیا
ادھر یہ بھی واضح کیا گیا ہے کہ میزبانی میں ممکنہ تبدیلی کے باوجود لارڈز اسپورٹس گراؤنڈ اپنے شیڈول کے مطابق ٹیسٹ میچز کی میزبانی جاری رکھے گا، اور انگلینڈ اینڈ ویلز کرکٹ بورڈ (ای سی بی) کے ساتھ معاہدے کے تحت اسے کم از کم دو ٹیسٹ میچز کی میزبانی لازمی طور پر دی جائے گی۔
"LORD’S FACES WORLD TEST FINAL SNUB OVER PITCH”@Willis_MacP for @TelegraphSport
World Test Championship 2027 finals could be played at The Oval amid concerns over the quality of The Lord’s pitch.#SundayTelegraph#TomorrowsPapersToday pic.twitter.com/v8QFFJMsms
— Andy Gibson (@AndyGibsonTV) June 20, 2026
مزید رپورٹس کے مطابق اولڈ ٹریفورڈ میں پاکستان اور انگلینڈ کے درمیان شیڈول ایک ٹیسٹ میچ بھی انتظامی تبدیلی کی صورت میں لارڈز منتقل کیا جا سکتا ہے۔
کرکٹ ماہرین کے مطابق یہ صورتحال نہ صرف ڈبلیو ٹی سی فائنل کے مقام کے حوالے سے اہم ہے بلکہ انگلینڈ میں ٹیسٹ کرکٹ کی روایتی وینیوز پالیسی پر بھی اثر انداز ہو سکتی ہے، تاہم آئی سی سی کی جانب سے حتمی اعلان کا انتظار کیا جا رہا ہے۔