پشاور: صوبہ خیبر پختون خوا کے مزید 13 اضلاع میں بلدیاتی انتخابات کے لیے پولنگ کا عمل آج صبح سے جاری ہے۔
ذرائع ابلاغ کے مطابق بلدیاتی انتخابات کے لیے پولنگ کاعمل شام 5 بجے تک جاری رہے گا۔ مجموعی طور پر 500 سے زائد پولنگ اسٹیشن قائم کیے گئے ہیں۔
ری پولنگ میں سب کی نظریں ڈی آئی خان میئر کی نشست پر ہیں۔ عمر امین گنڈا پور، فیصل کریم کنڈی اور کفیل نظامی میں کڑا مقابلہ ہے۔
پشاور، چارسدہ، نوشہرہ، خیبر، مہمند، مردان، کوہاٹ اور کرک میں ری پولنگ ہوگی۔ بنوں، لکی مروت، ڈیرہ اسماعیل خان، بونیر اور باجوڑ میں ری پولنگ ہوگی۔
تحصیل بکاخیل میں پولنگ صبح ساڑھے 9 سے شام ساڑھے 5 بجے تک ہوگی۔ ری پولنگ میئر سٹی، تحصیل چیئرمین، نیبر ہڈ اور ویلیج کونسل کی نشستوں پر ہوگی۔