ابوظبی (انٹرنیشنل ڈیسک) اماراتی صدر کے سفارتی مشیر انور قرقاش کا کہنا ہے کہ ترک صدر رجب طیب اردوان کا امارات کا دورہ دونوں ممالک کے بیچ تعلقات کا نیا مثبت باب کھولے گا۔ اپنی ٹوئٹ میں قرقاش نے مزید کہا کہ صدر اردوان کا دورہ شیخ محمد بن زائد النہان کے ترکی کے دورے کے بعد ہو رہا ہے۔ اس سے خطے میں استحکام اور ترقی کے مقصد سے رابطے اور تعاون کو مضبوطی حاصل ہو گی۔ قرقاش نے باور کرایا کہ امارات کی پالیسی مثبت اور دانش مندانہ ہے۔ یہ علاقائی امن، سلامتی اور ترقی کے مفاد میں ہے۔