کراچی:پی ٹی آئی کے پارلیمانی لیڈر سندھ اسمبلی خرم شیرزمان نے سندھ حکومت اور سندھ بلڈنگ کنٹرول اتھارٹی کے افسران پر کڑی تنقید کی ہے۔
خرم شیر زمان لیاری اولڈ کمہار واڑہ کادورہ کیا،جہاں انہوں نے لیاری میں کم رقبے پر قائم ٹیڑھی ہونے والی بلڈنگ کا جائزہ لیا اور بلڈنگ کے رہائشیوں اور علاقہ مکینوں سے ملاقات بھی کی۔
خرم شیر زمان نے کہا کہ متاثرہ بلڈنگ کے رہائشیوں سے بلڈنگ خالی کروالی گئی، بلڈنگ کے رہائشیوں کے نقصان اور متبادل کیلئے انتظامات کون کریگا۔انہوں نے کہا کہ سندھ بلڈنگ کی لاپرواہی سے بلڈنگ کی تعمیر میں ناقص میٹیریل کا استعمال کیا گیا، جب بلڈنگ تعمیر ہوئی اس وقت سندھ بلڈنگ کنٹرول اتھارٹی مال بنارہی تھی۔
خرم شیر زمان نے مزید کہا کہ سندھ حکومت متاثرین کی مالی مدد کرے یا فوری متبادل کا بندوست کرے۔