کراچی: لانڈھی جیل میں ہلاک ہونے والے قیدی کی میت واہگہ بارڈر کے راستے بھارتی حکام کے حوالے کردی۔
نجی ٹی وی کے مطابق کراچی کی لانڈھی جیل میں ہلاک ہونے والے قیدی کالو ولد ویرا کی میت واہگہ بارڈر کے راستے بھارتی حکام کے حوالے کی گئی، جو ماہی گیر تھا۔
ترجمان ایدھی فاؤنڈیشن کا کہنا ہے کہ کالو کو سمندری حدود کی خلاف ورزی پر گرفتار کیا گیا تھا، جسے طبیعت خراب ہونے پر اسپتال منتقل کیا گیا تاہم وہ جانبر نہ ہوسکا۔
ترجمان ایدھی فاؤنڈیشن کا کہنا ہے کہ ایدھی فاؤنڈیشن نے اپنے اخراجات پر میت بذریعہ ہوائی جہاز لاہور منتقل کی جس کے بعد واہگہ کے ذریعے بھارتی حکام کے حوالے کی گئی۔