غزہ: مغربی کنارے میں اسرائیلی آبادکاروں کے حملے میں فلسطینی ہلال احمر کا ایمبولینس ڈرائیور شہید ہو گیا۔
میڈیا رپورٹس کے مطابق ہلالِ احمر کی ایمبولینس پر فائرنگ کی گئی، شہید ہونے والے شخص کی شناخت 50 سالہ محمد عواد اللہ محمد موسی کے نام سے ہوئی ہے، ایمبولینس ڈرائیور کو ایک زخمی کواسپتال منتقل کرنے کے دوران شہید کیا گیا۔
خیال رہے کہ علاوہ ازیں غزہ میں گزشتہ 24 گھنٹوں میں اسرائیلی فوج کے سفاکانہ حملوں میں 37 فلسطینی شہید ہو گئے ہیں جبکہ 7 اکتوبر سے اب تک اسرائیلی حملوں میں شہید فلسطینیوں کی تعداد 34 ہزار سے زائد ہو گئی ہے، جس میں ایک بڑی تعداد خواتین اور بچوں کی ہے۔