لاہور( مانیٹرنگ ڈیسک) شہباز شریف‘ حمزہ‘ سلمان اور نصرت شہباز کیخلاف منی لانڈرنگ انکوائری میں پیشرفت سامنے آگئی۔ چپڑاسی ‘ مزدور اور ملازمین کے بعد برتن فروش کے نام سے بینک اکائونٹس سے ٹرانزیکشن کا انکشاف ہوا ہے۔ تفصیلات کے مطابق شہباز شریف فیملی کیخلاف منی لانڈرنگ انکوائری میں نئی پیشرفت سامنے آگئی۔ شہباز شریف اور اہل خانہ نے برتن فروش اشفاق کے نام سے جعلی بینک اکائونٹس اور ٹرایکشنز کیں۔ کالا دھن سفید کرنے میں برتن فروش کا شناختی کارڈ اور بینک اکائونٹس استعمال کئے گئے۔ نیب ذرائع کا کہنا تھا کہ برتن فروش کا نام استعمال کرکے برطانیہ سمیت دیگر ممالک میں خطیر رقوم بھیجی گئیں۔ تفتیش کے بعد برتن فروش اشفاق کے نام سے کی گئی بینک ٹرانزیکشنز کا ریکارڈ مرتب کرلیا گیا ۔