آرٹیکل 370 کی منسوخی کے بعد ، 343 افراد کشمیر سے باہر جیلوں میں قید

سری نگر ، 23 ستمبر(ساؤتھ ایشین وائر)آرٹیکل 370 کو منسوخ کرنے کے بعد ، جموں و کشمیر نے ریاست میں امن وامان برقرار رکھنے کے لئے 343 سیاست دانوں ، کاروباری رہنماؤں اور مبینہ پتھراؤاکرنے والوں ریاست اترپردیش اور ہریانہ کی جیلوں میں منتقل کردیا ہے۔
ساؤتھ ایشین وائرکے مطابق ایک اعلیٰ عہدیدار نے بتایا کہ 239 افراد یوپی کی چار جیلوں میں اور 104 ہریانہ کی دو جیلوں میں بند ہیں۔
عہدیدار نے نام ظاہر نہ کرنے کی خواہش پر بتایا ، یوپی میں قیدی آگرہ ، وارانسی ، بریلی اور امبیڈکر نگر کی جیلوں میں بند ہیں۔ ان لوگوں کے خلاف پبلک سیفٹی ایکٹ کے تحت مقدمہ درج کیا گیا ہے ، جس کے تحت بغیر کسی مقدمے کے دو سال تک حراست میں رکھا جاسکتاہے۔
حراست میں لئے جانے والوں میں بار کے سابق صدر میاں قیوم اور اعلی کاروباری رہنما مبین شاہ ، یاسین خان اور شکیل قلندر شامل ہیں۔
5 اگست کو خصوصی حیثیت کے خاتمے اور بڑے پیمانے پر امن و امان کے مسئلے کے خوف کے بعد ریاست نے وادی میں بڑے پیمانے پر کرفیو نافذ کر دیا تھا اور تقریبا ساڑھے پانچ ہزار افراد کو حراست میں لیا تھا۔
پولیس نے بتایا کہ ان میں سے 400 سے زیادہ کو رہا کیا گیا تھا اور 350 پر PSAکے تحت مقدمہ درج کیا گیا تھا۔ گرفتار ہونے والوں میں سابق وزرائے اعلی فاروق عبد اللہ عمر عبد اللہ اور محبوبہ مفتی کے علاوہ سابق وزیر اور قانون ساز بھی شامل ہیں۔
جموں و کشمیر کے جیل حکام نے بھی قیدیوں کے لواحقین سے ریاست سے ملنے کے لئے ان کی مدد کے لئے کچھ اقدامات اٹھائے ہیں۔ یہ شکایات موصول ہوئی ہیں کہ نظربند افراد کے لواحقین سے ملاقات کے دوران انہیں مشکلات کا سامنا کرنا پڑا۔