شمالی کوریا نے اعلان کیا ہے کہ 19 اکتوبر کوآزمائش کئے گئے میزائل میں سے ایک آبدوز سے پھینکا گیا نئے طرز کا بالسٹک میزائل تھا۔
شمالی کوریا کی مرکزی نیوز ایجنسی کی ڈیفنس سائنسز اکیڈمی کے حوالے سے جاری کردہ خبر کے مطابق شمالی کوریا نے کل ایک نئے طرز کے میزائل کا تجربہ کیا ہے۔
خبر کے مطابق یہ میزائل ونگز کی اعلی خصوصیات سمیت جدید کنٹرول سسٹم سے لیس ہے۔
کیودو ایجنسی کے مطابق جاپانی دفتر خارجہ کے ایشیا و بحرالکاہل امور کے ڈائریکٹر جنرل نے امریکہ اور جنوبی کوریا کے نمائندہ خصوصی برائے شمالی کوریا سے امریکی دارالحکومت واشنگٹن میں ملاقات کی۔
جس دوران شمالی کوریا کے ایٹمی پروگرام کے بارے میں تبادلہ خیال کیا گیا۔
جزیرہ نما کوریا کو ایٹمی ہتھیاروں سے پاک کیے جانے کی اپیل کرنے والے ان سربراہان نے اس معاملے میں سفارتی کوششوں کو جاری رکھنے اور اقوام متحدہ کی سلامتی کونسل کی قرار دادوں پر ٹھیک معنوں میں عمل درآمد کے معاملے پر اتفاق قائم کیا ہے۔