بیلجیئم کے نوآبادیاتی مظالم اور کانگو کی تاریخ: شفقنا بین الاقوامی

اگرچہ بیلجیئم کے بادشاہ نے DR کانگو میں اپنے آباؤ اجداد کے طرز عمل پر اپنی”گہری ندامت” کا اظہار کیا ہے، لیکن بہت سے لوگوں کا کہنا ہے کہ وہ اپنے آباؤ اجداد کی جانب سے معافی مانگنے میں ناکام رہے ہیں، جنہوں نے بیلجیئم کے نوآبادیاتی نظام کے دوران کانگو کے لوگوں کو بربریت کا نشانہ بنایا تھا۔بیلجیئم کے بادشاہ فلپ نے جمہوری جمہوریہ کانگو (DRC) کے اپنے ملک کے نوآبادیاتی نظام کے دوران ہونے والے استحصال، نسل پرستی اور تشدد کی کارروائیوں کے لیے معافی نہیں مانگی ہے۔ بلکہ اس نے کانگو کے لوگوں کو نوآبادیاتی ذلت اور سزا کے لیے اپنے "سب سے گہرے افسوس” کا اظہار کرنے کے لیے منتخب کیا۔
فلپ دو سال قبل ،بیلجیئم کے پہلے عہدیدار کے طور پر سامنے آئےتھے جنہوں نے نوآبادیاتی طرز حکومت پر افسوس کا اظہار کیا تھا، اور کچھ کانگولیوں کو امید تھی کہ وہ 2013 میں تخت سنبھالنے کے بعد کانگو کے اپنے پہلے دورے کے دوران باضابطہ معافی مانگیں گے۔

کنگ فلپ نے DRC کے دارالحکومت کنشاسا میں پارلیمنٹ کے مشترکہ اجلاس سے خطاب کرتے ہوئے کہا کہ "اگرچہ بیلجیئم کے بہت سے باشندوں نے خلوص دل سے سرمایہ کاری کی، کانگو اور اس کے لوگوں سے دل کی گہرائیوں سے محبت کی، لیکن نوآبادیاتی حکومت بذات خود استحصال اور تسلط پر مبنی تھی۔””یہ حکومت غیر مساوی تعلقات میں سے ایک تھی، اپنے آپ میں غیر منصفانہ تھی، جس میں پدر پرستی، امتیازی سلوک اور نسل پرستی تھی۔””یہ پرتشدد کارروائیوں اور تذلیل کا باعث بنا۔ کانگو کے اپنے پہلے سفر کے موقع پر، یہیں اسی جگہ پر، کانگو کے لوگوں کےسامنے ،جو آج بھی مصائب کا شکار ہیں، میں ماضی کے ان زخموں کے لیے اپنے گہرے افسوس کا اعادہ کرنا چاہتا ہوں،” اس نے مزید اضافہ کیا۔

اگرچہ بیلجیئم کے بادشاہ نے اپنے ملک کے نوآبادیاتی پس منظر کا سامنا کرنا شروع کر دیا ہے، لیکن "معافی” کا لفظ استعمال نہ کرنے سے کچھ لوگوں کو مایوسی ہوئی جو اس کی توقع رکھتے تھے۔نوآبادیاتی عہد میں ہونے والے مظالم میں سے کچھ مظالم میں سے کچھ کی تفصیل بیان کی جاتی ہے جو بیلجیئم نے 19ویں اور 20ویں صدی کے دوران DRC میں نوآبادیاتی حکمرانی کے دوران کیے تھے:

10 ملین کانگولیوں کی موت

کچھ اندازوں کے مطابق، 1885 سے 1960 تک بیلجیئم کی حکمرانی کے صرف پہلے 23 سالوں کے دوران، جب کنگ لیوپولڈ دوم نے ذاتی جاگیر کے طور پر کانگو کی آزاد ریاست پر حکومت کی تھی، ہلاکتوں، قحط اور بیماری کے باعث 10 ملین تک کانگولیز ہلاک ہوئے۔کنگ لیوپولڈ دوم نے وسطی افریقی برساتی جنگل کے100مربع کلومیٹر میں سے اپنی ذاتی کالونی کو عرب غلاموں سے "مقامیوں” کی حفاظت کے جھوٹےدعویٰ کی بنیاد پر بنایاتھا۔تاہم اس نے افریقی براعظم پر ہولناک مظالم شروع کر رکھے تھے۔اس کے نوآبادیاتی دور میں، کانگو کی آبادی اندازے کے مطابق نصف سے کم ہو کر 10 ملین رہ گئی تھی۔

عصمت دری اور اذیت

کنگ لیوپولڈ دوم نے نوآبادیاتی زمینوں کو ایک بڑے مزدور کیمپ میں تبدیل کر دیا ، اور جنگلی ربڑ کی کٹائی سے اپنے لیے بہت بڑی دولت کمائی ۔کانگو میں ربڑ کی فصل نے بیلجیئم کی بڑھتی ہوئی اقتصادی طاقت میں براہ راست حصہ ڈالا۔تاہم، یہ خوش قسمتی نہ صرف مقامی ذرائع سے حاصل ہوتی ہے بلکہ خطے کے انسانی سرمائے سے بھی حاصل ہوتی ہے۔مزید پیدا کرنے کے لیے دباؤ ڈال کر مقامی لوگوں کو ، کام کرنے کے لیے مجبور کیا جاتا تھا اوروہ سفاکانہ حالات میں رہتے تھے اور انھیں "کوٹہ” پورا کرنا پڑتا تھا۔اس وقت نوآبادیاتی قوتوں کے ذریعہ بہت سے لوگوں کی عصمت دری کی گئی اور انہیں اذیتیں دی گئیں۔

ہاتھ پاؤں کاٹنا

کنگ لیوپولڈ دوم نے ان لوگوں کے ہاتھ پاؤں کاٹ دیے جنہوں نے اس کے خلاف مزاحمت کی، اور یہاں تک کہ ان مردوں کے بچوں اور بیویوں کا بھی جو اپنے "کوٹے” کو پورا نہیں کر سکتےتھے، ان کا بھی یہی انجام ہوا1900 میں بیلجیئم کے لیوپولڈ II کے زیر کنٹرول کانگو فری اسٹیٹ میں کارکنوں کو سزا دینے کے لیے کثرت سے ہاتھ پاؤں کاٹنے کا حربہ استعمال کیا جاتا تھا۔

بیلجیئم کے نوآبادیاتی حکمرانوں کے مطابق، کاٹنا ایک طرح کی سزا ہے جو کانگولیز پر اپنی برتری ثابت کرتی ہے۔
بیلجیئم نے بدامنی پر قابو پانے کے لیے ایک ظالمانہ حل تلاش کیا اور کانگو کے فوجیوں کو یہ ثابت کرنے کے لیے پابند کیا گیا کہ وہ اپنے مارے جانے والے کسی مقامی باغی کا ایک کٹا ہوا ہاتھ فراہم کر کے مہنگا گولہ بارود ضائع نہیں کر رہے ہیں۔
بیلجیئم کے وحشیانہ جرائم، جو کم و بیش 1885 میں شروع ہوئے تھے، سب سے پہلے 20ویں صدی کے آغاز میں صحافی ایڈمنڈ ڈینے موریل نے منکشف کیےتھا۔

موریل نے بیلجیئم کی کالونی میں جو کچھ ہو رہا تھا اس کے بارے میں بات پھیلانے کی بہت کوشش کی۔اس نے کانگو فری اسٹیٹ میں جبری مشقت، قتل، فوجی بچوں، دست و پا بریدہ لوگوں، تشدد اور نسل کشی کی تصاویر سامنے لائیں۔2020 میں، مغرب کے نسل پرست نوآبادیاتی ماضی کے خلاف دنیا بھر میں ہونے والے مظاہروں کے دوران بیلجیم کے شہر اینٹورپ کے ایک عوامی چوک سے مظاہرین نے بدنام زمانہ کنگ لیوپولڈ II کے مجسمے کو ہٹا دیا تھا۔

بدھ، 15 جون 2022

شفقنا اردو

ur.shafaqna.com

The post بیلجیئم کے نوآبادیاتی مظالم اور کانگو کی تاریخ: شفقنا بین الاقوامی appeared first on شفقنا اردو نیوز.