خطہ یورپ گرمی کی شدید لہر کی لپیٹ میں

موسم گرما کی پہلی گرمی کی لہر نے مغربی یورپی ممالک میں زندگی پر منفی اثرات مرتب کیے جس سے درجہ حرارت ریکارڈ سطح تک پہنچ گیا۔

عوام کو گرمی سے خبردار  کرنے کے لیے مغربی یورپ کے کئی شہروں میں ثانوی اہمیت کا حامل اورنج الارم جاری کرتےہوئے کہا گیا ہے کہ  گرمی کی لہر موسمیاتی تبدیلیوں کے باعث  ہو سکتی ہے، جنگلات میں  آگ اور خشک سالی کے مسائل پر توجہ  مبذول کرائی گئی ہے۔

اسپین میں جہاں گزشتہ 20 سال کے گرم ترین  ماہ جون  سے گزرا جا رہا  ہے  ایک ہفتے سے موثر رہنے والا درجہ حرارت اندلس میں بعض مقامات پر 44 اور دارالحکومت میڈرڈ میں 41 ڈگری سینٹی گریڈ تک پہنچ گیا ہے۔

شدید گرمی  کی وجہ سے، ہفتے کے آغاز سے 16 علاقوں میں جنگلات میں آگ بھڑک اٹھی اور کچھ کھیلوں کے مقابلے ملتوی کر دیے گئے۔

جمعے کو برطانیہ اور فرانس میں درجہ حرارت غیر معمولی طور پر بلند رہا جبکہ سائنس دانوں کی جانب سے جاری کی گئی وارننگ کے مطابق گرمی میں شدت وقت سے پہلے آئی ہے۔

فرانس میں درجہ حرارت 41 ڈگری تک پہنچنے کے باعث 14 صوبوں میں ریڈ الرٹ اور 56 صوبوں میں اورنج الرٹ جاری کر دیا گیا۔

دارالحکومت پیرس اور لیون، ویلوربین اور کیلوئیر کے شہروں میں، دونوں ٹریفک کے اخراج کو عارضی مدت کے لیے روک دیا گیا تھا اور مخصوص اوقات میں رفتار کی حدکم کر دی گئی ۔

اٹلی میں بلند درجہ حرارت کی وجہ سے پیروگیا، فلورنس، بریشیا اورتورینو  شہروں میں خطرے کی گھنٹی کی سطح نارنجی تک بڑھ گئی۔ بتایا گیا  ہے کہ کل تورینو  میں  ریڈ الرٹ جاری کیا جائے گا۔

جرمن  محکمہ موسمیات نے اعلان کیا  ہےکہ ہفتے کے آخر میں خاص طور پر ملک کے جنوبی اور وسطی حصوں میں  درجہ حرارت 38 ڈگری تک بڑھ جائے گا، اور رات کے وقت درجہ حرارت 20 ڈگری سے نیچے نہیں گرے گا۔

بیلجیئم میں، جہاں درجہ حرارت 35 ڈگری   پہنچتے ہوئے  جون کے مہینے کے لیے ریکارڈ سطح پر پہنچ گیا ہے ، یہ اعلان کیا گیا کہ ہفتے کے آخر میں اورنج  کوڈ جاری رہے گا۔

برطانیہ میں مسلسل تیسرے دن بھی سال کا گرم ترین دن ریکارڈ کیا گیا ہے۔ تھرمامیٹر نے سوفولک میں 32.7 ڈگری ظاہر کیا، جبکہ لندن کے ہیتھرو ایئرپورٹ پر 32.4 ڈگری ریکارڈ کیا گیا۔