ملک میں ڈینگی وائرس کے پھیلاؤ میں تیزی سے اضافہ جاری ہے۔ پاکستان میں ڈینگی کے پھیلاؤ کی تازہ صورت حال پر رپورٹ تیار کی گئی ہے۔ رواں سال ملک میں ڈینگی سے متاثرہ افراد کی تعداد 41 ہزار 746 پر پہنچ چکی ہے۔
وزارت صحت ذرائع کا کہنا ہے کہ رواں سال ڈینگی سے متاثرہ 84 مریضوں کی اموات ہو چکی ہیں۔ رواں سال سندھ میں 12 ہزار 947 ڈینگی کیس رپورٹ ہوئے۔ سب سے زیادہ سندھ میں ڈینگی سے 43 اموات ہوئیں۔
کے پی میں 11ہزار 613 کیسز رپورٹ، 9 اموات ہو چکی ہیں۔ پنجاب میں 9 ہزار 410 ڈینگی کیس رپورٹ، 25 اموات ہو چکی ہیں۔ رواں سال اسلام آباد میں 3169 ڈینگی کیس، 7 اموات ہو چکی ہیں۔ بلوچستان میں 3948، آزادکشمیر 677 ڈینگی کیس رپورٹ ہوئے۔ خوش قسمتی سے رواں سال بلوچستان اور آزادکشمیر میں ڈینگی سے اموات نہیں ہوئیں۔ اسی طرح رواں سال گلگت بلتستان سے ڈینگی کا کوئی کیس رپورٹ نہیں ہوا۔
ڈینگی سے پاکستان میں 84 اموات ہوگئیں
القمر