اسلام آباد: صدر مملکت ڈاکٹر عارف علوی اور وزیراعظم شہبازشریف سمیت ملکی قیادت نے ترکیہ کے شہر استنبول میں دہشتگردی کے واقعے کی شدید مذمت کی ہے۔
صدر عارف علوی نے ترکیہ کی استقلال اسٹریٹ میں دھماکے کی شدید مذمت کرتے ہوئے کہا کہ دہشت گردی تمام دُنیا کا مشترکہ مسئلہ ہے، ترکیہ کی حکومت اور عوام کے ساتھ دہشت گردی کے اِس واقعے کے خلاف کھڑے ہیں۔
وزیراعظم شہباز شریف کا کہنا تھاکہ ترکیہ کی استقلال اسٹریٹ میں دھماکے کی شدید مذمت کرتے ہیں اور استنبول میں قیمتی انسانی جانوں کےضیاع پربےحدافسوس ہے۔