ورلڈ ہیلتھ آرگنائزیشن ن چین میں "زیرو کوویڈ 19 کیسز” کے دائرہ کار میں لاگو کیے گئے اور عوامی ردعمل کا باعث بننے والے قرنطینہ اور بندش جیسے سخت اقدامات کو کم کرنے کی کوششوں کی حمایت کی ہے۔
ڈبلیو ایچ او کے گلوبل ایمرجنسی ڈائریکٹر ڈاکٹر مائیکل ریان نے اقوام متحدہ کے جنیوا آفس کی ہفتہ وار پریس کانفرنس میں چین کی جانب سے کورونا کے سخت اقدامات کو کم کرنے کی کوشش کے بارے میں صحافیوں کو بریفنگ دی۔
اس بات پر زور دیتے ہوئے کہ ڈبلیو ایچ او کے رکن ممالک کو کورونا وبا کے خلاف جدوجہد کے حوالے سے عوام کے مفاد میں فیصلے کرنے چاہییں، ریان نے کہا، "اب سے طے کی جانے والی حکمت عملیوں کو چینی عوام کی روزی، بہبود و انسانی حقوق اور وائرس کے درمیان توازن ہونا چاہیے۔ "
چین میں موسم خزاں کے بعد سے اومیکرون قسم کے بڑھنے والے اثرات کی وجہ سے، حکومت نے زیرو کیس اقدامات کے حصے کے طور پر وبا کے موثر ہونے والے علاقوں میں قرنطینہ، سفری پابندیاں، بڑے پیمانے پر جانچ پڑتال، تجارت اور خدمات کے شعبے میں کاروبار کی بندش جیسے اقدامات اٹھائے تھے۔