چیچہ وطنی :چیچہ وطنی کے قریب کوئٹہ سے پشاور جانے والی جعفر ایکسپریس میں دھماکا ہوا جس کے نتیجے میں ایک خاتون جاں بحق اور 4زخمی ہو گئے ۔
ریلوے حکام کے مطابق جعفر ایکسپریس میں دھماکے سے ایک خاتون جاں بحق اور 4 مسافر زخمی ہوگئے۔ دھماکا اکانومی کلاس کی بوگی نمبر 6 میں ہوا، دھماکے کی نوعیت معلوم نہیں ہوسکی ۔
واقعہ میں زخمی ہونے والے افراد کو ہسپتال منتقل کیاگیا۔پولیس نے کہا کہ سرچ آپریشن کے بعد ٹرین کی دیگر بوگیوں کو کلیئر قرار دے دیا گیا ۔ ریلوے حکام نے کہا کہ جعفر ایکسپریس کو چیچہ وطنی ریلوے سٹیشن پر روک لیا گیا ۔
ترجمان ریلوے کے مطابق دھماکا اکانومی کلاس میں ہوا، دھماکے کی نوعیت کے بارے میں تحقیقات جاری ہیں۔