اے ایف پی کی ایک رپورٹ کے مطابق، گزشتہ ہفتے حماس نے اسرائیلی جیلوں میں قید فلسطینی قیدیوں کی رہائی کے بدلے جنگ بندی کے معاہدے کے تحت 80 اسرائیلی خواتین، بچوں اور نوعمروں کو رہا کیاہے۔
حماس نے جنگ بندی کے معاہدے کے دائرہ کار سے باہر 25 دیگرقیدیوں کو رہا کیا، جن میں سے زیادہ تر تھائی فارم ورکرز تھے، جس سے جنگ بندی کے دوران رہا ہونے والے قیدیوں کی تعداد 105 ہوگئی۔
جنگ بندی سے قبل 5 افراد کی رہائی کے ساتھ، تقریباً 240 افراد کے ابتدائی گروپ میں سے 33 بچے، 49 خواتین اور 28 مرد سمیت مجموعی طور پر 110 قیدی زندہ گھر واپس آئے۔
رپورٹ کے مطابق اسرائیلی فوج نے جمعہ کے روز اعلان کیا کہ 5 قیدی ہلاک ہو گئے ہیں جس سے مجموعی تعداد 7 ہو گئی ہے اور 136 قیدی ابھی تک زیر حراست ہیں۔
حکومت نے کہا کہ قیدیوں میں 125 اسرائیلی، 8 تھائی، ایک نیپالی، ایک تنزانیائی اور ایک فرانسیسی میکسیکن تھے جن کے اہل خانہ نے بتایا کہ اس کا نام اورین ہرنینڈز راڈاکس (32 سال) تھا۔
ایجنسی فرانس پریس نے تصدیق کی کہ یہ یقینی نہیں ہے کہ ہر کوئی زندہ ہو۔
جمعہ کے روز، اسرائیلی حکومت نے دو یرغمالیوں کے قتل کی تصدیق کی۔ ایک 19 سالہ فوجی نوا مارسیانو اور65 سالہ خاتون یہودیت ویس ۔
خبر رساں ادارے نے نشاندہی کی کہ اب غزہ میں کوئی بھی بچہ زیر حراست نہیں ہے۔
غزہ میں سترہ خواتین اب بھی زیر حراست ہیں، جن میں سب سے بڑی عمر کی اوفرا کیدار اور جوڈتھ وائنسٹائن ہاگئی ہیں، دونوں کی عمر 70 سال ہے۔
یہ پانچ خواتین، جن کی عمریں 18 سے 19 سال کے درمیان تھیں،جب انہیں اغوا کیا گیا اس وقت اپنی فوجی خدمات انجام دے رہی تھیں ، انہیں قیدیوں کے تبادلے کے معاہدے سے خارج کر دیا گیا۔
کم از کم 91 افراد ابھی بھی زیر حراست ہیں، جن میں سے 10 کی عمریں 18 سے 22 سال کے درمیان ہیں، جن میں سے زیادہ تر 7 اکتوبر کے حملے کے وقت فوجی خدمات انجام دے رہے تھے ۔
کچھ مرد ایسے بچوں کے باپ ہیں جنہیں گزشتہ ہفتے ان کی ماؤں، رشتہ داروں یا دیگر خاندانوں کے ساتھ رہا کیا گیا تھا۔
کچھ مرد 70 اور 80 کی دہائی میں ہیں۔
حماس کی جانب سے دو معمر خواتین کو رہا کرنے کے ایک ماہ سے زائد عرصہ گزر جانے کے بعد، یوشیوڈ لیفشٹز اور نوریت کوپر، ان کے شوہر اوڈیڈ لیفشٹز (83 سال) اور امیرام کوپر (85 سال) بھی ابھی تک زیر حراست ہیں۔