امبانی کے بیٹے کی پری ویڈنگ تقریبات میں اہم شخصیات کی آمد

ایشیا کے امیر ترین شخص مکیش امبانی کے بیٹے کی شادی سے قبل گجرات میں ہونے والی پری ویڈنگ تقریبات میں دنیا بھر سے شریک اہم شخصیات نے رونقیں بڑھا دیں۔ ہفتے کو ہونے والی تقریب میں شاہ رخ خان، سلمان خان اور عامر خان نے اسٹیج پر ایک ساتھ پرفارم کیا۔ امریکی گلوکارہ ریحانہ کی پرفارمنس سے بھی سب خوب محظوظ ہوئے۔ پارٹی میں بالی وڈ کے ستاروں سمیت بل گیٹس، مارک زکربرگ اور ڈزنی کے سربراہ باب ایگر سمیت کئی شخصیات موجود تھیں۔ اننت اور رادھیکا کی شادی رواں برس 12 جولائی کو ہونا طے پائی ہے لیکن شادی کی تقریب سے چار ماہ قبل یکم سے تین مارچ تک تین روزہ پری ویڈنگ پارٹیز کا اہتمام کیا گیا ہے۔