کنشاسا (انٹرنیشنل ڈیسک) جمہوریہ کانگو میں ملک کی سب سے بڑی جیل توڑنے کی کوشش کے دوران 129 افراد ہلاک ہو گئے۔ خبر رساں اداروں کے مطابق مارے گئے قیدیوں میں 24 وہ افراد بھی شامل ہیں جنہیں انتباہ کے بعد گولی مار دی گئی۔ حکومتی ترجمان کا کہنا تھا کہ دارالحکومت کنشاسا کی مکالا جیل میں 59 افراد زخمی بھی ہوئے ۔ عینی شاہدین کا کہنا تھا کہ صبح کے وقت جیل میں فائرنگ شروع ہوئی اور کئی گھنٹوں تک جاری رہی۔ دوسری جانب حکام نے وضاحت نہیں کی کہ واقعے میں کتنے قیدی فرار ہوئے ۔ حکومتی ترجمان پیٹرک مویا نے اپنے بیان میں صرف اتنا بتایا کہ صورت حال کنٹرول میں ہے۔