پڈعیدن (نمائندہ جسارت ) صوبائی محتسب کے ریجنل ڈائریکٹر خالد شیخ نے آج شاہ عبداللطیف لا کالج نوشہروفیروز میں صوبائی محتسب کے آؤٹ ریچ پروگرام کے متعلق آگاہی فراہم کرنے کیلیے منعقدہ سیمینار میں شرکت کی۔سیمینار میں پرنسپل شاہ عبداللطیف لاکالج نوشہروفیروز بدر الزمان کمبوہ اور صوبائی محتسب کے ریجنل ڈائریکٹر خالد شیخ نے لا کالج کے طلبا و طالبات سے خطاب کیا۔ سیمینار سے خطاب کرتے ہوئے ریجنل ڈائریکٹر نے صوبائی محتسب کے آؤٹ ریچ پروگرام کے متعلق لا کالج کے طلبا و طالبات کو صوبائی محتسب اعلیٰ کے قوانین کے متعلق آگاہی فراہم کی۔