احتساب عدالت نے مریم نواز اور نواز شریف کے خلاف چوہدری شوگر ملز ریفرنس بند کرنے سے متعلق کیس میں ڈی جی قومی احتساب بیورو کو فوری طور پر ذاتی حیثیت میں طلب کرلیا۔
کیس کی سماعت احتساب عدالت کے جج رانا عارف نے کی۔ سماعت کے دوران مریم نواز کی جانب سے وکیل جاوید ارشد بھٹی عدالت میں پیش ہوئے۔
عدالت نے تفتیشی افسر کی عدم پیشی اور متعلقہ ریکارڈ عدالت میں پیش نہ کرنے پر برہمی کا اظہار کرتے ہوئے ڈی جی نیب کو طلب کرنے کا حکم دیا۔
دوسری جانب نیب کی جانب سے عدالت سے استدعا کی گئی تھی کہ مریم نواز اور نواز شریف کے خلاف چوہدری شوگر ملز کیس میں کرپشن کے شواہد نہیں ملے، اس لیے عدالت تحقیقات بند کرنے کی منظوری دے۔