عراق میں مختلف نسلوں اور فرقوں کی نمائندگی کرنے والے سیاسی رہنماؤں نے صدر تحریک کے رہنما مقتدیٰ الصدر سے، جو سیاست سے کنارہ کشی اختیار کر چکے ہیں، سے ملک کو بحران سے نکالنے کے لیے قومی مذاکراتی اجلاس میں شرکت کرنے کا مطالبہ کیا ہے۔
عراقی سیاست دانوں نے وزیر اعظم مصطفیٰ الکاظمی کی زیر صدارت دوسرے قومی مکالمے کے اجلاس میں شرکت کی۔
اجلاس کے بعد وزیر اعظم ہاوس کی جانب سے جاری کردہ تحریری بیان میں کہا گیا کہ تمام سیاسی گروپ ملک میں بحران کے ذمہ دار ہیں اور استحکام کے لیے کوششیں کی جائیں۔
بیان میں کہا گیا کہ مذکورہ ملاقاتوں کے جاری رہنے پر اتفاق کرنے والے رہنماؤں نے قومی حل کے لیے روڈ میپ کا تعین کرنے کے لیے تمام سیاسی گروپوں پر مشتمل ٹیکنیکل کمیٹی بنانے کا فیصلہ کیا۔
بیان میں کہا گیا کہ اس وفد کا فرض انتخابات کے انعقاد کے لیے اختلاف رائے رکھنے والے سیاسی گروپوں کو یکجا کرتے ہوئے انتخابی قانون اور الیکشن کمشنر کے ڈھانچے میں تبدیلی لانا ہوگا۔
بغداد میں ہونے والے دوسرے قومی مکالمے کے اجلاس میں تمام نسلی اور فرقہ وارانہ اجزاء کی نمائندگی کرنے والے رہنماؤں اور عراق کے لیے اقوام متحدہ کی خصوصی ایلچی جینین ہینس پلاسچارٹ نے شرکت کی۔