بتایا گیا ہے کہ ایران میں مہسا امینی کی ہلاکت کے بعد شروع ہونے والے مظاہروں میں "سیکورٹی فورسز کی مداخلت کے نتیجے میں جان سے ہاتھ دھو بیٹھنے والوں کی تعداد 185 ہو گئی”۔
ناروے میں قائم ایرانی انسانی حقوق کے ادارے کی ویب سائٹ پر شائع ہونے والی رپورٹ میں ملک میں تقریباً 3 ہفتوں تک جاری رہنے والے مظاہروں کے بارے میں معلومات کو جگہ دی گئی ہے۔
رپورٹ میں، جس میں 31 میں سے 17 صوبوں کے اعداد و شمار شامل ہیں، کہا گیا ہے کہ سب سے زیادہ جانی نقصان صوبہ سیستان بلوچستان میں ہوا، جہاں سنیوں کی اکثریت ہے۔
اس بات پر زور دیا گیا کہ جان کی بازی ہارنے والے مظاہرین میں سے 19 کی عمریں 18 سال سے کم تھیں۔
ایران کی سرکاری خبر رساں ایجنسی IRNA نے اعلان کیا ہے کہ امینی کی موت کے بعد ملک گیر احتجاجی مظاہروں میں 21 حفاظتی اہلکار بھی اپنی جانوں سے ہاتھ دھو بیٹھے ہیں۔
بتایا جاتا ہے کہ ان واقعات میں ہزاروں کی تعداد میں شہریوں کو حراست میں لیا گیا ہے۔