ترکی پر امریکہ کا دوہرا معیار: شفقنا بین الاقوامی

یہ حقیقت کہ قومی مفادات امریکہ کی خارجہ پالیسی میں کسی بھی اخلاقی یا قانونی معیار سے بالاتر ہیں،اس بات کو اس سے زیادہ واضح طور پر امریکی محکمہ خارجہ کے ترجمان نیڈ پرائس نے واشنگٹن ڈی سی میں مقیم صحافیوں کے ساتھ اپنی تازہ ترین پریس کانفرنس کے دوران جیسا  بیا ن کیا، ایسا  پہلے کبھی نہیں  کیا گیا تھا۔

جب ان سے پوچھا گیا کہ کیا اتحادیوں کو امریکی فراہم کردہ ہتھیاروں اور فوجی اثاثوں کے استعمال سے متعلق کچھ شرائط کے واشنگٹن کے اطلاق میں کوئی ‘معیار’ سامنے رکھا گیاہےتو، پرائس نے سیدھا جواب دیتے ہوئے کہا کہ "ہم جو معیار استعمال کرتے ہیں وہی امریکہ کے قومی مفاد میں ہے”۔

یہ نہ صرف واشنگٹن کی خارجہ پالیسی میں کسی بھی اصولی اور اخلاقی معیار پر امریکی قومی مفادات کی بالادستی کا ایک خام اعتراف تھا، بلکہ ایک ایسے ملک کی طرف سے سامنے آنے والی سراسر ستم ظریفی بھی تھی جو کئی دہائیوں سے دوسرے ممالک کو اخلاقی بنیادوں پر لیکچر دے رہا ہے اور دباؤ ڈال رہا ہے جیسے کہ انسانی حقوق، قانون کی حکمرانی اور جمہوریت وغیرہ۔

اس طرح کا بیان کسی کے لیے حیران کن نہ ہوتا اگریہ کسی ایسی  انتظامیہ کی طرف سے سامنےآتا جیسی کہ ڈونلڈ ٹرمپ کی قیادت والی انتظامیہ تھی ، جس نے اپنی یکطرفہ اورکسی بھی  اخلاقی قدر و قیمت سے پاک فطرت اوراصلیت والے خارجہ پالیسی  رجحان کو چھپانے کی زحمت کبھی گوارا نہیں کی،  نہ تو   بیانیے میں اور نہ ہی عمل میں۔ تاہم ، یہ بیان بائیڈن انتظامیہ کی طرف سے آیا ہے ، جس نے اپنے اتحادیوں کو یقین دلانے کے لئے اضافی چکر  کاٹے تھےاور یہ  کہا تھا کہ بائیڈن کی خارجہ پالیسی میں اپنے پیشرو کے بالکل برعکس ہوگا۔

قومی مفادات کے خالص حصول سے ہٹ کر اپنی ‘ذمہ دارانہ’ اور ‘قدر پر مبنی’ فطرت کی نمائش کرنے کے اقدام کے طور پر، بائیڈن انتظامیہ نے دنیا کو دو قسموں میں تقسیم کرکے نام نہاد ‘جمہوریت سربراہی اجلاس’ بھی بلایا۔ یہ اجلاس’جمہوریت’ اور ‘آمریت’، ‘جمہوریت کے فروغ’ کے وسیع تر تناظر میں منعقد کیا گیا۔ پرائس کا بیان ہر اس چیز کی نفی کے سوا کچھ نہیں ہے جس کے بارے میں بائیڈن انتظامیہ اب تک کھڑی ہوئی تھی۔

بائیڈن انتظامیہ کے اخلاقی دیوالیہ پن کو واضح کرنے کے علاوہ، پرائس کے بیان کا ترکی اور امریکہ کے ساتھ اس کے دوطرفہ تعلقات پر براہ راست مضمرات ہیں، کیونکہ اس بیان کا سیاق و سباق یونان کے ذریعہ ایجیئن جزائر پر امریکی فراہم کردہ بکتر بند گاڑیوں کی تعیناتی تھا،  جو متعلقہ بین الاقوامی معاہدوں کے مطابق غیر فوجی حیثیت کا حامل ہے۔

پرائس نے واضح کیا کہ ایتھنز نہ صرف اپنی لاپرواہی اور خواہشات کی بنیاد پر غیر فوجی ایجیئن جزائر کو مسلح کرکے ترکی کی سلامتی کو خطرہ بنا رہا تھا بلکہ اس میں  واشنگٹن کی آشیرباد بھی شامل ہے۔ واشنگٹن نہ صرف ایتھنز کی جانب سے بین الاقوامی معاہدوں کی خلاف ورزی سے اغماض برت رہا ہے بلکہ اسے ترکی کو دھمکی دینے کی ترغیب بھی دے رہا ہے۔

اس طرح، یہ واضح ہو جاتا ہے کہ حالیہ برسوں میں، مشرقی بحیرہ روم اور بحیرہ ایجیئن میں انقرہ کے خلاف ایتھنز کی دشمنانہ کارروائیوں میں واشنگٹن کا ہاتھ رہا ہے۔ ترکی اور یونان کے درمیان مختلف چلے آنے والے  تنازعات کی موجودگی سے قطع نظر، مشرقی بحیرہ روم اور ایجیئن میں امن اور استحکام کو کئی دہائیوں تک دونوں اتحادیوں کے تئیں واشنگٹن کے متوازن رویہ کے ذریعے کافی حد تک برقرار رکھا گیا۔

اب کسی وجہ سے، واشنگٹن ایک اتحادی کو دوسرے کے خلاف کھڑا کر کے نیٹو کے جنوب مشرقی حصے میں استحکام اور تزویراتی توازن کو نقصان پہنچانے کا خطرہ مول لے رہا ہے۔ یہ ناممکن ہے کہ واشنگٹن اس لاپرواہی اور انتہائی غیر ذمہ دارانہ پالیسی کے سنگین مضمرات سے آگاہ نہ ہو۔

اگرچہ اس لاپرواہی کی پالیسی کو محض ‘حالات’ سے منسوب کیا جا سکتا ہے لیکن واشنگٹن میں انتہائی یونان نواز اشتراک – ایک کانگریس جو یونانی لابی سے بہت زیادہ متاثر ہے اور اوول آفس میں "ایک اعزازی یونانی صدر بائیڈنوپولوس” – ٹرمپ انتظامیہ کی دانست میں بنائی گئی پالیسیوں  کے بعد سے ایک  دوسری صورت میں تسلسل سے جاری ہیں۔

یہ حقیقت کہ انقرہ کے خلاف واشنگٹن کے اشتعال انگیز اور معاندانہ رویےکا،کریٹ میں سوڈا خلیج کو اپ گریڈ کرنے اور ڈیڈیگاک (الیگزینڈروپولیس) میں ایک اہم اڈہ قائم کرنے کی صورت میں ایتھنز کو مسلسل تقویت دینے کے ذریعےٹرمپ انتظامیہ کا تسلسل برقرار رہا ہے جبکہ اسی وقت ترکی کے دروازے پر انقرہ کو F-35 جیسے اہم سیکورٹی اثاثوں سے محروم کرنا متعلقہ انتظامیہ کے حادثاتی پالیسی کے انتخاب کے بجائے انقرہ کی طرف واشنگٹن کے نقطہ نظر میں ایک اسٹریٹجک تبدیلی کی طرف اشارہ کرتا ہے۔

اب تقریباً ایک دہائی سے ترکی اور امریکہ کے تعلقات انتہائی ہلچل سے گزر رہے ہیں اور اس دوران انقرہ اور واشنگٹن دونوں میںماہرین اور پالیسی سازوں کی طرف سے بنیادی وجوہات کو سمجھنےکی کوشش کی گئیں  اوراس  بات پر غور کیا گیا کہ اگر ممکن ہوتو اس انتشار سے نکلنے کے راستے  تلاش کیے جائیں۔

بات چیت میں بنیادی طور پر انقرہ اور واشنگٹن کے درمیان مخصوص مسائل کی خصوصیات پر توجہ مرکوز کی گئی، جیسے کہ شمالی شام میں PKK کی شامی شاخ YPG کے لیے مؤخر الذکر کی حمایت، انقرہ کی طرف سے S-400 کی خریداری اور اس کے نتیجے میں F-35 پروگرام سے نکلنا، اور واشنگٹن کا  FETO کے سرغنہ فتح اللہ گولن اور اسی طرح کی حوالگی کے خلاف مزاحمت۔

بائیڈن انتظامیہ کے تازہ ترین اقدامات اور بیانات کے تحت اور معاملاے کے وسیع تناظر میں، انقرہ اور واشنگٹن کے درمیان کئی گنا مسائل محض ایک ساختی اور بنیادی مسئلے کی علامات دکھائی دیتے ہیں – مؤخر الذکر ، اولالذکر کے سیکورٹی خدشات پر محض لفاظی سے کام لیتا  ہے اور عمل میں اسکے خلاف کام کرتا ہے۔

اتوار، 16 اکتوبر 2022

شفقنا اردو

ur.shafaqna.com

The post ترکی پر امریکہ کا دوہرا معیار: شفقنا بین الاقوامی appeared first on شفقنا اردو نیوز.