براعظم امریکہ کا سب سے بڑا قید خانہ وسطی امریکی ملک السلواڈور میں کھل گیا ہے۔
السلواڈور کے صدر نائب بوکیلے نے توکولوکا وادی میں اس قید خانے کا افتتاح کیا جو کہ 166 ہیکٹر کے رقبے پر پھیلا ہوا ہے اور جس میں 40 ہزار قیدیوں کو رکھنے کی گنجائش ہے۔
صدر نے اپنی ٹویٹ میں بتایا کہ اس کی تعمیر کا مقصد مختلف جتھوں کی ملک میں شرپسندیوں کو روکنے میں مدد کرنا ہے جو کہ براعظم امریکہ کا سب سےبڑا قید خانہ بھی ہوگا ،ہم نے یہ قید خانہ انسداد دہشتگردی کےمرکز کے طور پر کھولا ہے جو کہ سات ماہ کے قلیل عرصے میں تعمیر کیا گیاہے ۔
نائب وزیر برائے انصاف و تحفظ عامہ اوسیریس لونا نے بھی بتایا کہ اس قید خانے میں جدید ٹیکنالوجی کا استعمال کیا جائے گا جہاں 600 فوجی اور ڈھائی سو پولیس اہلکار مامور ہونگے۔