ایران کے صوبہ سمنان میں ایک کوئلے کی کان میں دھماکے کے نتیجے میں 6 کان کن ہلاک ہو گئے ہیں۔
ایران سرکاری ٹیلی ویژن کے لئے جاری کردہ بیان میں سمنان کے گورنر محمد رضا ہاشمی نے کہا ہے کہ تقریباً 10 گھنٹے کی امدادی کاروائیوں کے بعد ملبے تلے دبے 6 کان کنوں کی لاشیں نکال لی گئی ہیں۔
ہاشمی نے کہا ہے کہ ابتدائی معلومات کے مطابق دھماکہ کان میں گیس جمع ہونے کی وجہ سے ہوا ہے۔ گیس سے متاثرہ کان کنوں کو ہسپتال میں طبّی امداد فراہم کی جا رہی ہے۔
دھماکے کے بارے میں تحقیقات جاری ہیں۔