نئی دہلی (انٹرنیشنل ڈیسک) بھارت کی حکمراں جماعت بی جے پی کی رکن اسمبلی سریتا بہدوریہ ٹرین کی پٹڑی پر گر کر زخمی ہوگئیں۔ واقعہ پلیٹ فارم پر اْس وقت رونما ہوا جب وندے بھارت ٹرین شام 6 بجے روانگی کے لیے پلیٹ فارم پر پہنچی۔ جیسے ہی ٹرین نے روانگی کا اشارہ دیا، پلیٹ فارم پر افراتفری مچ گئی اور اس ہنگامہ آرائی کے دوران رکن اسمبلی پلیٹ فارم سے نیچے پٹڑیوں پر گر گئیں۔ مسافروں نے ٹرین کو بروقت روک لیااور انہیں فوری طور پر اسپتال منتقل کیا گیا۔ ڈاکٹروں نے ابتدائی طبی امداد فراہم کرنے کے بعد انہیں گھر بھیج دیا ہے۔