نئی دہلی/یوٹیوبر دھرو راٹھی کو ہفتہ کے روز گروگرام کے سیکٹر 56 میں واقع ان کی رہائش گاہ سے دہلی پولیس نے حراست میں لے لیا۔ پولیس ذرائع کے مطابق یہ کارروائی کاکروچ جنتا پارٹی (سی جے پی) کی جانب سے جنتر منتر پر مجوزہ احتجاج سے قبل عمل میں لائی گئی۔ذرائع نے بتایا کہ دھرو راٹھی احتجاج میں شرکت کے لیے آئے تھے، جس کے پیش نظر قومی دارالحکومت میں سکیورٹی کے انتظامات مزید سخت کر دیے گئے ہیں۔
اس سے قبل رواں ہفتے دہلی پولیس نے سکیورٹی خدشات اور ضروری ضابطہ جاتی تقاضوں کا حوالہ دیتے ہوئے احتجاج کی اجازت دینے سے انکار کر دیا تھا۔پولیس نے مظاہرین کو احتجاجی مقام تک پہنچنے سے روکنے کے لیے احتیاطی طور پر حراست میں لینے کی کارروائیاں تیز کر دی ہیں اور مختلف اہم مقامات پر اہلکاروں کو تعینات کیا ہے۔پولیس ذرائع کے مطابق اب تک نئی دہلی کے مختلف علاقوں سے تقریباً 150 مظاہرین کو حراست میں لیا جا چکا ہے۔
