نئی دہلی (صباح نیوز) بھارت کی دفاعی تحقیق و ترقی کی تنظیم (ڈی آر ڈی او) فضائیہ اور برہموس نے سپرسونک برہموس کروز میزائل کا زمین اور ہوا سے الگ الگ تجربہ کیا۔ بھارت کی وزارت دفاع کے مطابق پہلا تجربہ زمین پر واقع موبائل لانچر سے کیا گیا جبکہ دوسرا تجربہ فضائیہ نے اپنے جنگی طیارے سکھوئی 30 سے کیا جس کے ذریعے سمندر میں واقع ہدف کو نشانہ بنایا گیا۔ اس تجربہ سے برہموس کی سمندر میں تعینات جنگی جہاز کو نشانہ بنانے کی اہلیت کی تصدیق کی گئی۔ فضائیہ نے گزشتہ مئی میں نکوبار جزائر میں زمین پر واقع ہدف کو نشانہ بنانے میں کامیابی حاصل کی تھی۔