خیبر پختونخوا حکومت میں پہلی بغاوت منظرعام پر آ گئی، تحریک انصاف خیبرپختونخوا اسمبلی کے رکن محمد علی ترکئی نے وزیراعلیٰ کےپی محمود خان پر عدم اعتماد کا اظہار کر دیا ہے۔
محمد علی ترکئی نے حکومت چھوڑنے کی دھمکی دیتے ہوئے کہا ہے کہ محمود خان نہیں بلکہ بیوروکریسی حکومت چلا رہی ہے، 80 فیصد ارکان صوبائی اسمبلی ناراض ہیں۔
محمد علی ترکئی نے کہا کہ نہ وژن ہے نہ صلاحیت، ایسے آدمی کے ساتھ نہیں چل سکتے، پی ٹی آئی کے 20 ارکان پنجاب اسمبلی وزیراعلیٰ پنجاب سے ناراض ہیں۔
انہوں نےکہا کہ ہمارے وزیراعلیٰ سے جو کمزوریاں ہو رہی ہیں یہ پی ٹی آئی کا منشور تھا ہی نہیں ۔ خیبر پختونخوا میں بیورو کریسی وزیر اعلیٰ کی کوئی بات نہیں سن رہی ہے ۔