لاہور: سابق وزیر خزانہ اسحاق ڈار کا گھر پنجاب حکومت نے شیلٹر ہوم میں تبدیل کردیا۔
سابق وزیر خزانہ اسحاق ڈار کا گلبرگ میں 17 مرلے پر مشتمل ہجویری ہاؤس کو شیلٹر ہوم میں تبدیل کردیا گیا۔
پنجاب حکومت نے اسحاق ڈار کے بنگلے میں بے سہارا افراد کے لیے بستر لگادیئے ہیں جبکہ 50 افرا کی رہائش کے لیے انتظامات بھی کیے گئے ہیں اور کھانا بھی فراہم کیا جائے گا۔
دوسری جانب اسحاق ڈار کا کہنا ہے کہ عدالت سے اسٹے لے رکھا ہے حکومت نے انتقامی سیاست کی انتہا کردی۔
یاد رہے کہ حکومت نے سابق وزیر خزانہ کے گھر کو نیلامی کے لیے پیش کیا تھا جبکہ عدالت نےحکم امتناع جاری کرتے ہوئے نیلامی روک دی تھی۔
