نئے وفاقی وزیر اطلاعات و نشریات سینیٹر شبلی فراز کا کہنا ہے کہ میری ترجیح میڈیا اور حکومت کے درمیان پُل کا کردار ادا کرنا ہوگی۔
وزیر اطلاعات نے سماجی رابطے کی ویب سائٹ ٹوئٹر پر ٹوئٹ کرتے ہوئے کہا کہ میں تمام اپوزیشن لیڈران، تجزیہ کار، کالم نگار، اینکرز، اور میڈیا کے دوستوں کا بے حد شکرگزار ہوں جنہوں نے وزارت اطلاعات کا قلمدان سونپے جانے پر اپنے پیغامات اور دعاوں سے نوازا۔
شبلی فراز نے کہا کہ میری ترجیح میڈیا اور حکومت کے درمیان پُل کا کردار ادا کرنا ہوگی۔
میں تمام اپوزیشن لیڈران، تجزیہ کار، کالم نگار، اینکرز، اور میڈیا کے دوستوں کا بے حد شکرگزار ہوں جنہوں نے وزارت اطلاعات کا قلمدان سونپے جانے پر اپنے پیغامات اور دعاوں سے نوازا۔ میری ترجیح میڈیا اور حکومت کے درمیان پُل کا کردار ادا کرنا ہوگی۔
1/1— Senator Shibli Faraz (@shiblifaraz) April 28, 2020
خیال رہے کہ گزشتہ روز وزیراعظم عمران خان نے ڈاکٹر فردوس عاشق اعوان کو عہدے سے ہٹا کر ان کی جگہ پاک فوج کے سابق ترجمان لیفٹیننٹ جنرل ریٹائرڈ عاصم سلیم باجوہ کو معاون خصوصی برائے اطلاعات و نشریات مقرر کردیا گیا تھا۔
اس کے علاوہ سینیٹ میں قائد ایوان سینیٹر شبلی فراز کو وفاقی وزیر برائے اطلاعات و نشریات مقرر کیا تھا۔
مزید پڑھیں: فردوس عاشق کی جگہ سابق فوجی افسر تعینات، شبلی فراز وزیراطلاعات مقرر