سندھ حکومت نے وفاق کی جانب سے پیٹرول کی قیمت میں فی لیٹر 15 روپے کمی کو ناکافی قرار دے دیا۔
وزیر ٹرانسپورٹ سندھ اویس شاہ نے مطالبہ کیا ہے کہ پیٹرول کی قیمت میں 30 روپے کمی کی جائے۔
انہوں نے کہا کہ دوسروں صوبوں کی طرح سندھ میں بھی سی این جی کی قیمت میں کمی کی جائے۔
صوبائی وزیر نے کہا کہ پنجاب میں سی این جی کی قیمت کمی کی گئی لیکن سندھ میں قیمت کم نہ کرنا زیادتی ہے، وفاقی حکومت نے سندھ کی عوام کو ریلیف نہ دینے کی قسم کھا رکھی ہے۔
ان کا کہنا تھا کہ وفاق کے ایسے فیصلوں سے سندھ دشمنی کھل کر سامنے آگئی ہے، مشکل حالات میں بھی سندھ کو ریلیف نہیں دیا جا رہا۔