نئی دلی: بھارت میں کورونا وائرس لاک ڈاؤن میں نرمی کرتے ہوئے حکومت نے شراب کی دکانیں کھول دیں۔
غیر ملکی میڈیا کے مطابق شراب کی دکانیں کھلنے پر شرابیوں کا سمندر امڈ آیا اور دکانوں پر لمبی لمبی قطاریں لگ گئیں۔
بھارتی شہریوں نے کورونا کے خلاف احتیاطی تدابیر کو بھی ہوا میں اڑا ڈالا۔ جب پولیس نے شرابیوں کو احتیاطی تدابیر پر عمل کرنے کو کہا تو ان دونوں میں جھڑپ ہوگئی۔
پولیس نے شرابیوں کو منتشر کرنے کے لیے آنسو گیس کا استعمال کیا اور ڈنڈے برسا دیے۔
شراب کی طلب میں اضافے کا فائندہ اٹھاتے ہوئے کئی دکانداروں نے شراب پر خودساختہ بھاری ٹیکس عائد کردیے۔ جبکہ بعض دکانداروں نے جھڑپ اور رش کو دیکھتے ہوئے دکانیں نہ کھولنے کا فیصلہ کرلیا۔