جاسوس کبوتر پکڑنے کا بھارتی دعویٰ کبوتر کے مالک نے مسترد کردیا

سیالکوٹ (این این آئی) سیالکوٹ کے علاقے بگا شکرگڑھ کے رہائشی نے بھارتی بارڈر سیکورٹی فورس (بی ایس ایف) کا پاکستانی جاسوس کبوتر کو پکڑنے کا دعویٰ مسترد کرتے ہوئے کہا ہے کہ وہ مذکورہ کبوتر کے مالک ہے۔ میڈیا رپورٹ کے مطابق سیالکوٹ ورکنگ باؤنڈی سے ملحق بگا شکرگڑھ کے رہائشی حبیب اللہ نے بتایا کہ بھارت کی جانب سے حال ہی میں پکڑا گیا کبوتر میرا ہے‘ جوڑے کا دوسرا کبوتر میرے پاس موجود ہے اور یہ میرا پالتو کبوتر ہے جو کبھی بھی جاسوس یا دہشت گرد نہیں ہوسکتا۔ بگا شکر گڑھ کے مکینوں نے کبوتر کو جاسوس قرار دینے اور پکڑنے کے خلاف احتجاج کیا‘ بھارت مخالف نعرے لگائے۔