صوبائی وزیر تعلیم سندھ سینیٹر سعید غنی کا کہنا ہے کہ جے آئی ٹی رپورٹ پر سفارشات پر عمل ہوا ہے، عزیر بلوچ کی جے آئی ٹی رپورٹ میں جاسوسی کا بھی الزام لگایا گیا ہے۔
وزیر تعلیم سندھ نے کہا کہ قومی اسمبلی میں وفاقی وزیر نے غلط دستاویزات کو جے آئی ٹی کہا، وفاقی وزیر کے اس عمل کے بعد ہمارے پاس جے آئی ٹی کو پبلک کرنے کے سوا کوئی چارہ نہیں تھا۔
انہوں نے کہا کہ جے آئی ٹی میں حکومتی اتحادی ذوالفقار مرزا بھی ہیں، یقینا ان سے بھی پوچھا جانا چاہیے۔