ملک پابندیوں کی شکار معیشت کو بند کرنے کا متحمل نہیں ہو سکتا‘ ایرانی صدر

تہران (انٹرنیشنل ڈیسک) ایرانی صدر حسن روحانی نے کورونا وائرس کے تناظر میں دوبارہ لاک ڈاؤن سے انکار کردیا۔ انہوں نے کہا کہ تہران حکومت پہلے سے پابندیوں کی شکار معیشت کو مزید بند کرنے کا متحمل نہیں ہو سکتی۔ ایران کو ہر حال میں اپنی اقتصادی، سماجی اور ثقافتی سرگرمیاں جاری رکھنا ہوں گی۔ روحانی نے کہا کہ وائرس کے انسداد کا آسان حل یہی ہے کہ تمام سرگرمیوں کو روک دیا جائے، تاہم لوگ بھوک، سختی اور دباؤ سے تنگ آکر احتجاج کرنے پر مجبور ہو جائیں گے۔