اسلام آباد: جسٹس قاضی فائز کی اہلی نے ایف بی آر سے وزیراعظم عمران خان، وزیر قانون فروغ نسیم اور مشیر برائے احتساب شہزاد اکبر سمیت دیگر افراد کے ٹیکس ریکارڈ فراہم کرنے کا مطالبہ کردیا ہے۔
نجی ٹی وی کی رپورٹ کے مطابق
جسٹس قاضی فائز عیسیٰ کی اہلیہ سرینا عیسیٰ نے ایف بی آر کو لکھے گئے خط میں کہا کہ ایف بی آر نے قانون کی خلاف ورزی کرتے ہوئے میرا ٹیکس ریکارڈ سویلین شہریوں کو فراہم کیا۔
سرینا عیسیٰ نے مطالبہ کیا ہے کہ انہیں وزیراعظم عمران خان، وزیر قانون فروغ نسیم، مشیر برائے احتساب شہزاد اکبر، سابق اٹارنی جنرل انور منصور خان، وحید ڈوگر، اشفاق احمد کا ٹیکس ریکارڈ دیا جائے۔
ایف بی آر کو اپنے جواب میں یہ بھی کہا کہ ان افراد کے خاندان کے ذرائع آمدن، انکم ٹیکس اور ٹیکس ریٹرن سمیت بیرون ممالک بینک اکاؤنٹس کی تفصیلات بھی فراہم کی جائیں۔
خیال رہے کہ ایف بی آر کی جانب سے سرینا عیسیٰ کے ٹیکس ریٹرن پر عدم اعتماد کا اظہار کیا تھا۔