بغداد (انٹرنیشنل ڈیسک) عراقی شہر کرکوک کی تحصیل دقوق کے قریب دہشت گرد تنظیم داعش کی جانب سے سڑک کنارے نصب کیا گیا بم ریموٹ کنٹرول ڈیوائس کے ذریعے دھماکے سے اڑا دیا گیا، جس کے نتیجے میں 3 عراقی فوجی ہلاک اور کئی دیگر اہل کار زخمی ہو گئے۔ خبر رساں ادراوں کے مطابق کرکوک کی پولیس کے ترجمان عامر نوری نے بتایا کہ شہر کے جنوب میں واقع دقوق تحصیل کے قریب عراقی فوج کی ایک گاڑی کے گزرنے کے وقت اسے ریموٹ کنٹرول بم دھماکے کا نشانہ بنایا گیا۔ حکام کے مطابق کارروائی دہشت گرد تنظیم داعش کی جانب سے کی گئی ہے، جس کے بعد وسیع پیمانے پر تلاشی کی کارروائیاں شروع کردی گئی ہیں۔